.

.

حطِّي ايدينك بديني

نصنع العالم من جديد

عالم ما يقدِّر هوانا

يزرع الحزن في ليالينا

ينبت الشوك

بين عِـرق و وريد

ليه ننزف عشانُه دِمانا

ليه نشتهي الحلم البعيد

وما يجينا

نعاتب

نشتكي

نبكي

يجرحنا بمخلب من حديد

قاسي وظالم

سقانا من كاس المظالم

شعر حروفه من صديد

وكل ما ضَمِينا سقانا المزيد
تعالي نخلق العالم من جديد
انتي حروف الرسالة
وانا ساعي البريد
اركض في دروب الأحلام
ادور على شباك بيتك
وانثر على بابك شعر وقصيد
ولد وظلام
ليل وبنت
تسهر تطرز فستان عيد
انا العيد والثواني والزمن
وبرضه ,,,
انا الحلم البعيد
تعالي نخلق لنا عالم سعيد
يقتل الحزن في عيونك
وادفـنيني في ثرى عينك شهيد
تعالي نرجع العمر خطوه
من يوم انتي صغيره
وقبل لا تلبسين غطوه
تذكرين طاقه وحاره
وولد خطوته محتاره
كتب اسمك وهمس بحروفه
على مسمع محاره
ورماها بعيد في بحر عينك
ونام يحلم على شط قلبك
ويتسلى مع البحر برمي الحجاره
تعالي نفتح مسرح الليل
ونرفع احلامه ستاره
ونبتدي العرض ,,
برقصة الموت
عشان الوقت ,,

,,,,,, ما يرجع يا خساره


.


.